Pyydä, paista ja nauti oma varrassiikasi Kukkolankosken lippomiesten kanssa rajajoen kulttuurimaisemassa

Kukkolankoski , Tornio, 1.2- 31.10 2018

Kukkolankoskela on lipottu, paistettu siikaa jo 1400-luvulta asti itte tehyilä vehkeilä. Varrassiika on meän lippomiesten terhveelinen ruoka ja tyristikki on tykähnee siittä ja töllistelhee meitä 1950-luvulta lähtien. Se valmistethaan erikoisela tavala ja vaellussiikaki on ainutlaatunen ko se vaeltaa suolasesta merestä Tornionjokheen. Met meinaama kokkeila lippomiesten, kyläläisten ja yrittäjien kansa yhessä semmosta mallia, jossa kläpit ja ulkomaan viehraat lippoava ensin siian, paneva sen varthaaseen, paistava sen paistokoassa ja nauttiva sen maukhauesta koskitörmällä. Met autama heitä tekehmään homman itte, samala ko kerroma hauskoja kalajuttuja ja annama petyykin siittä. Tyristithän tykkäävä kuulema tämmösestä, samalako me tehemä meän perintheitä tunnetuksi. Met toivoma että siikaki muistaa nousta jokheen ajoissa ja lopuksi me kyselemmä, että kannattasko tämmösiä elämyksiä tehä jatkossaki. Soon mahottoman hyvin sanottu, että menneisyyen perintö on myös tulevaisuuen voimavara.

Lisätiedot: ProSiika ry.